10 yaşadək futbolçulardan ibarət komandamız beynəlxalq turnirdə iştirak edəcək. U-10 “Champions Trophy 2025”də mübarizə aparacaq.
Avstriyanın paytaxtı Vyana yaxınlığındakı Trayskirşen şəhərində baş tutacaq turnirin iyunun 21-22-də keçiriləcək. 23 futbolçu ilə səfərə yollanan “Qarabağ” yarışda iki komanda ilə təmsil olunacaq: Əli Abbasov, Abbasov, Onur Məmmədli, Mixail Şunin, Mikayıl Quluzadə, Rauf Əsgərzadə, Furqan Hüseynov, Yusif Abdizadə, İbrahim Məmmədli, Abdullah İsgəndərli, Nihad Şükürov, Hüseyn Hüseynov, Məhəmməd Səfərov, Murad Bağırov, Əli Əliyev, Amir Rza, Lyuk Rek Uilyam, Eşqin Həsənov, Yavuz Elma, Rinat
Abbaslı, Cavad Əliyev, Süleyman Süleymanlı, Harun Rəhmanov, Ayaz Bakır Bavyer.
Turnirdə Portuqaliyanın “Sportinq”, İtaliyanın “Udineze”, Avstriyanın LASK, “Admira Vaker”, Sloveniyanın “Selye”, Xorvatiyanın “Lokomotiva”, Serbiyanın “Çukariçki” və “Voyvodina” kimi klubları da mübarizə aparacaq.
Qrup mərhələsində “Qarabağ-1” “Bravo”, “Sokkerskul Vyana”, “Herta” (Uels), “Lidiya e Prizrenit”, TSV “Hartberq” və FAC ilə qarşılaşacaq. “Qarabağ-2”nin rəqibləri isə “Velej”, FavAC, “Viener Noydorf”, “Prater”, “Qleysdorf 09” və “Ramiz Sadiku” olacaq.
